Ирмос: В пещи огненней песнословцы спасый отроки, благословен Бог отец наших.

Ирмос: В печи огненной / спасший песнопевцев-отроков, / благословен Бог отцов наших.

На облацех света вознесыйся, и спасый мир, благословен Бог отец наших.

На облаке светлом вознесшийся / и спасший мир, / благословен Бог отцов наших.

На раме Спасе, заблуждшее взем естество, вознесся, Богу и Отцу привел еси.

Взяв на плечи заблудшее естество, / Ты, Христе, вознесшись, / принес его к Богу и Отцу.

Возшедый во плоти к безплотному Отцу, благословен Бог отец наших.

Восшедший во плоти / к безплотному Отцу, / благословен Бог отцов наших!

Умерщвленое наше грехом естество взем, Твоему свойственному Отцу Спасе привел еси.

Взяв грехом умерщвленное наше естество, / Ты принес его, Спаситель, / к собственному Своему Отцу.

Богородичен: От Девы рождся, Юже Богородицу соделал еси, благословен Бог отец наших.

Богородичен: Рожденный от Девы, / Которую Ты соделал Богородицею, / благословен Ты, Боже отцов наших.

Ирмос: Не послужиша твари, Богомудрии, паче Создавшего, но огненное прещение мужески поправше, радовахуся поюще: "Прехвальный отцев Господь и Бог, благословен Еси".

Ирмос: Не почтили Богомудрые / творения больше Творца, / но угрожавший им огонь мужественно поправ, / радостно воспевали: / "Прехвальный Господь и Бог отцов, / благословен Ты!"

Светлый Тя Свет суща, подъят облак Господи, от земли паче ума восприемлема и небеснии собори восхвалиша со апостолы, глаголюще: Боже благословен еси.

Светлое облако подняло Тебя, / Господи, истинный Свет, / от земли непостижимо возносящегося, / и небесные сонмы с Апостолами / восхвалили Тебя, возглашая: / "Боже, благословен Ты!"

Рукама вси радующеся восплещим, вознесением Христовым, и воскликнем: взыде Бог во гласе трубне, и седе одесную, яко сопрестолен Отцу во веки.

В радости все начнем рукоплескать / в честь вознесения Христова и воскликнем: / "Взошел Бог при звуке трубном / и воссел справа от Отца, / как Ему сопрестольный, навеки!"

Слава: Поя древле Моисей великий, взываше: да поклонятся восходящу Христу небеснии ангели, яко всех Царю, емуже зовем: отцев Господи и Боже благословен еси.

Слава: Воспевая в древности, великий Моисей взывал: / "Да поклонятся восходящему Христу небесные Ангелы", / как Царю всего, Которому мы восклицаем: / "Отцов Господь и Бог, благословен Ты!"

И ныне: Богородичен: О чудес преславных! Како вместила еси Бога невместимаго Богорадованная, плотию обнищавшаго, и со славою многою в небесная вознесшагося днесь, и оживившаго человеки?

И ныне, Богородичен: О необычайные чудеса! / Как вместила Ты, благодати Божией исполненная, / Бога невместимого, обнищавшего плотию, / и с великою славою в сей день на небеса вознесшегося, / и оживотворившего людей?

Катавасиа: Согласная возшуме органская песнь, почитати златосотворенный бездушный истукан: Утешителева же светоносная благодать почествует, еже вопити: Троице Единая, равносильная, безначальная, благословена еси.

Катавасия: Стройный напев музыкальных орудий загремел, / призывая чтить литой из золота бездушный истукан; / светоносная же Утешителя благодать / побуждает нас в благоговении взывать: / "Троица единая, равносильная, безначальная, / благословенна Ты!"

Ирмос: Из Отца прежде век рожденнаго Сына, и Бога, и в последняя лета воплощеннаго от Девы Матере, священницы пойте, людие превозносите во вся веки.

Ирмос: От Отца прежде веков / рожденного Сына и Бога, / и в последние времена воплотившегося от Девы-Матери, / священники воспевайте, / люди, превозносите во все века!

Во двою существу возлетевшаго Жизнодавца Христа на небеса со славою, и Отцу соседящаго, священницы пойте, людие превозносите во вся веки.

Подателя жизни Христа, / в двух естествах поднявшегося на небеса со славою / и восседающего рядом с Отцом, / священники воспевайте, / люди превозносите во все века.

От работы идольския тварь избавившаго, и представившаго ту свободну Твоему Отцу, Тебе Спасе поем, и Тебе превозносим во вся веки.

От рабства идолослужения творение избавившего / и представившего его свободным Своему Отцу, / Тебя, Спаситель, мы воспеваем / и Тебя превозносим во все века.

Своим схождением низложившаго супостата, и Своим возшествием вознесшаго человеки, священиицы пойте, людие превозносите во вся веки.

Низложившего Своим нисхождением противника / и Возвысившего Своим восхождением человека, / священники воспевайте, / люди превозносите во все века.

Богородичен: Херувимов превышшая явилася еси Богородице Чистая, во чреве Твоем сими Носимаго носившая: Егоже со безплотными, человецы славословим во вся веки.

Богородичен: Высочайшей Херувимов / Ты явилась, Богородица чистая, / во чреве Твоем носившая ими Носимого, / Которого вместе с бесплотными / мы, смертные, славословим во все века.

Ирмос: Отроки благочестивыя в печи, рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе:" Господа пойте дела, и превозносите во вся веки".

Ирмос: Отроков благочестивых в печи / Дитя Богородицы спасло: / тогда – прообразуемое, а ныне – действующее; / всю вселенную созывает Он петь Тебе. / "Пойте Господа, творения, / и превозносите во все века!"

Явишася умове апостолом в вознесении, и вещаху: что взирающе стоите дивящеся? Сей восходяй в небесная, приидет и паки судити иже на земли человеком, Судия сый Един.

Апостолам при вознесении / явились Умы небесные и вещали: / "Что стоите, взирая с удивлением? / Этот, восходящий на небеса, придет и снова / судить живущих на земле людей, / как Судия единый!"

Дадим Богу величие, хвалы согласие воскликнем, воспоим, ликуим, руками же восплещим: взыде Бог наш на небеса от земли, ангелом, архангелом поющим Сего, яко Владыку и Творца всех.

Воздадим Богу величие, / согласно хвалу воскликнем, / будем петь, ликовать и рукоплескать: / Бог наш взошел от земли на небеса, / Ангелы же и Архангелы Его воспевали, как Владыку / и Создателя всех.

Благословим Отца, и Сына, и Святаго Духа, Господа. Взятся превыше ангел естество наше, древле отпадшее, и на престоле посаждено бысть Божественне, паче смысла: приидите торжествуим и воззовем: Господа пойте дела, и превозносите во вся веки.

Благословим Отца, и Сына, и Святого Духа, Господа. Вознесено выше Ангелов наше естество, / в древности падшее, / и на престоле божественном посажено непостижимо; / придите, восторжествуем и возгласим: / "Воспевайте Господа, творения, / и превозносите во все века!"

И ныне: Се Сын Твой Богородице, пленив Крестом Своим смерть, воскресе тридневен, и учеником Своим явлься, востече к небесным: с нимиже Тебе покланяющеся поем и славословим во вся веки.

И ныне, Богородичен: Вот, Сын Твой, Богородица, / пленив Крестом Своим смерть, / воскрес на третий день / и, ученикам Своим явившись, поднялся на небеса; / с Ним и Тебе поклоняясь, / мы воспеваем и славословим во все века.

Таже, Хвалим, благословим, покланяемся:

Затем: Хвалим, благословляем, поклоняемся Господу, воспевая и превознося Его во все века.

Катавасиа: Разрешает узы, и орошает пламень, трисветлый Богоначалия Образ: поют отроцы, благословит же Единаго Спаса и Вседетеля, яко Благодетеля сотворенная всяческая тварь.

Катавасия: Расторгает узы и орошает пламя / Трисветлый образ Богоначалия; / отроки поют, а все созданное творение / единого Спасителя и Творца всего, / как благодетеля благословляет.

Ирмос: Тя паче ума и словесе Матерь Божию, в лето Безлетнаго неизреченно рождшую вернии единомудренно величаем.

Ирмос: Тебя, превыше ума и слова / ставшую Матерью Божией, / во времени Сверхвременного неизреченно родившую, / мы, верные, единомысленно величаем.

Тебе избавителя мира Христа Бога, апостоли видяще Божественно возвышаема, со страхом играюще величаху.

Тебя, Искупителя мира, Христа Бога, / Апостолы, видя божественно возвышаемым, / со страхом торжествуя, величали.

Твою обожившуюся плоть зряще Христе, на высоте ангели, друг ко другу глаголаху: воистнину Сей есть Бог наш.

Твою, Христе, обоженную плоть / на высоте созерцая, Ангелы / указывали друг другу: / "Это – воистину Бог наш!"

Тебе безплотных чинове Христе Боже, на облацех вземлема видяще, взываху: славы Царю, врата возмите.

Тебя увидев, Христе Боже, / на облаках поднимающимся, / полки бесплотных восклицали: / "Возвысьте врата для Царя славы!"

Тебе сошедшаго даже до последних земли, и человека спасшаго, и восхождением Твоим возвысившаго сего величаем.

Тебя, нисшедшего до крайнего предела земли / и человека спасшего, / и восхождением Своим его возвысившего, / мы величаем.

Богородичен: Радуйся Богородице Мати Христа Бога: Егоже родила еси, днесь от земли возносима со апостолы зрящи, возвеличала еси.

Богородичен: Радуйся, Богородица, Матерь Христа Бога! / Того, Кого носила Ты во чреве, / в сей день со Ангелами созерцая возносящимся от земли, / Ты возвеличила.

Вторый припев:

Ангели восхождение Владыки зряще ужасахуся, како со славою взятся от земли на горняя.

Второй припев праздника: Ангелы, восхождение Владыки созерцая, поражались, / как Он был вознесен со славою от земли на небеса.

Ирмос: Всяк земнородный да взыграется Духом просвещаемь, да торжествует же безплотных умов естество, почитающе священное торжество Богоматере, и да вопиет: "Радуйся, Всеблаженная Богородице, Чистая Приснодево"

Ирмос: Всякий на земле рожденный / да ликует, Духом просвещаясь, / да торжествует и бесплотных Умов естество, / почитая священное торжество Богоматери, / и да взывает: / "Радуйся, Всеблаженная, / Богородица чистая, Приснодева!"

О даров паче постижения! О таинства страшнаго! Всеми бо владычествуяй, от земли отходя к небесным, учеником посла Духа Святаго, просветившаго сих смысл, и огненны сотворившаго благодатию.

О высшие постижения дары! / О повергающее в трепет таинство! / Ибо Владычествующий всем, / отходя от земли на небеса, / послал ученикам святого Духа, / просветившего их разум / и соделавшего их огненными благодатию.

Полцы ученичестии, Господь рече, вы седите во Иерусалиме: и Аз низпослю вам Утешителя другаго, Отцу сопрестольна и Мне равночестна, Егоже видите взимаема, и облаком светлым носима.

Сонму учеников сказал Господь: / "Вы оставайтесь в Иерусалиме, / и Я ниспошлю вам иного Утешителя, / Отцу сопрестольного и честью равного Мне, / Тому, Кого вы видите возносящимся / и носимым облаком светлым".

Взятся яве великолепие выше небес, плотию обнищавшаго, и соседением Отца почтеся естество наше опадшее: торжествуим, и согласно вси воскликнем, и восплещим руками радующеся.

Вознесено явно выше небес / великолепие Обнищавшего плотию, / и сидением с Отцом почтено / наше падшее естество: / восторжествуем все, и согласно воскликнем, / и восплещем руками в радости!

Богородичен: Свет о Света возсиявый Всенепорочная, из Тебе возсия, и черность безбожия всю разруши, и в нощи спящих просвети. Сего ради вси по долгу Тя во веки присно ублажаем.

Богородичен: Свет, от Света воссиявший, / из Тебя взошел, Всенепорочная, / и все омрачение безбожия прекратил / и в ночи спящих просветил; / потому мы все Тебя, как должно, / во веки непрестанно величаем.

Катавасиа: Радуйся Царице, Матеродевственная славо: всяка бо удобообращательная благоглаголивая уста витийствовати не могут, Тебе пети достойно: низумевает же ум всяк, Твое Рождество разумети. Темже Тя согласно славим.

Катавасия: Радуйся, Царица, матерям и девам слава! / Ибо никакие подвижные красноречивые уста, ораторствуя, не могут / Тебя воспевать достойно; / изнемогает и всякий ум, / стремясь постигнуть рождение от Тебя Христа; / потому мы Тебя согласно славим.

Учеником зрящим Тя, вознеслся еси Христе ко Отцу соседя, ангели предтекуще зовяху: возмите врата, возмите, Царь бо взыде к начальному Свету славы. [Трижды]

Когда ученики на Тебя взирали, / вознесся Ты к Отцу, Христе, чтобы с Ним восседать. / Ангелы же, впереди спеша, взывали: / "Поднимите врата, поднимите, / ибо Царь взошел к начальному Свету славы!" (3)

Ангельски иже в мире торжествуим, на престоле славы Богу носимому, взывающе пение: Свят еси Отче небесный, Соприсносущный Слове, Свят еси и Душе Всесвятый.

Мы, в мире сем живущие, / подобно Ангелам восторжествуем, / Богу, на престоле славы носимому, / возглашая песнопение: / "Свят Ты, Отче Небесный, / Свят Ты, столь же вечное Слово, / и Дух Всесвятой!" (2)

Начальницы ангелов смотряюще, Спасе, восхождения странное, недоумевахуся друг ко другу: что видение сие? Человек убо зраком видимый, якоже Бог, превыше небес с плотию восходит.

Начальники Ангелов / созерцая, Спаситель, восхождение необычайное, / недоумевали, друг другу говоря: / "Что это за зрелище? / Тот, Кого мы видим – обликом Человек, / но, как Бог, превыше небес / Он с плотию восходит!"

Галилеане зряще Тя вознесенна, от Масличныя горы с телом Слове, слышаху ангелов вопиющих им: что стоите зряще? Сей приидет паки с плотию, имже образом видесте.

Галилеяне, видя Тебя, Слово, / вознесенным с телом с Масличной горы, / слышали Ангелов взывающих к ним: / "Что вы стоите и смотрите? / Он придет во плоти снова, / таким же образом, как вы видели!"

Родился еси яко Сам восхотел еси, явился еси яко Сам изволил еси: пострадал еси плотию Боже наш, из мертвых воскресл еси поправ смерть. Вознеслся еси во славе, всяческая исполняяй, и послал еси нам Духа Божественнаго, еже воспевати и славити Твое Божество.

Родился Ты, как Сам восхотел; / явился миру, как Сам благоволил; / пострадал плотию, Боже наш; / из мертвых воскрес, поправ смерть; / вознесся во славе, все Наполняющий, / и послал нам Духа Божественного, / чтобы мы воспевали и славили Твое Божество.